Teksa ndodhet në Tiranë, presidentja e KE është pyetur për arrestimin e Ilir Metës. Por Ursula Von der Leyen tha se BE qëndron në krah të drejtësisë dhe se e mbështet reformën e saj.
“Unë nuk do të bëj komente për procedime gjyqsore. Ne punojmë me Shqipërinë për reformën e drejtësisë, por kjo s’ka të bëjë me raste individuale. Gjërat kanë ecur shpejt dhe nëse ecin siç duhet ne do të hapim të gjithë grup-kapitujt deri vitin e ardhshëm” – tha Von der Leyen.
Ndërkohë Kryeministri Edi Rama shmangu një përgjigje të drejtpërdrejtë duke u shprehur:
“Ju e dini përgjigjen, unë nuk bëj kurrë komente para miqve të huaj për politikën e brendshme. Për faktin se qyshse ne kemi nisur reformën ne drejtësi, as unë dhe as Partia Socialiste nuk bën komente për çështje që i takojnë drejtësisë. Kur ndodh që çështjet të përmbyllen, mbase ia vlen të bëhet ndonjë koment. Sidomos kur vihet në vend drejtësia lidhur me fenomene katastrifike për shoqërinë, siç është shpifja. Për rastin konkret, është rast që i takon vetëm Drejtësisë”.
/a.r
