Nata e grushtit të shtetit të dështuar në Turqi ishte një ankth, të cilin ambasadorja turke në Kosovë, Kivilcim Kiliç, e përshkruan si “një natë shumë e zezë… një natë e errët dhe e gjatë”.
Në një intervistë për “Kohën Ditore”, ambasadorja Kiliç tregon si ndodhi grusht-shteti i 15 korrikut, dhe për ngjarjen e përgjakshme akuzon klerikun Fethullah Gulen, ndërsa organizatën e tij e quan terroriste.
Në intervistë ajo shprehet ashpër në mbrojtje të masave që po ndërmerr Qeveria e Turqisë pas grusht-shtetit, dhe hedh poshtë raportet e organizatave ndërkombëtare që e akuzojnë Turqinë se këto masa janë arbitrare dhe diskriminuese.
Kiliç po ashtu arsyeton arrestimin e gazetarëve dhe mbylljen e shkollave, spitaleve dhe suspendimin e rreth 60.000 shërbyesve civilë të shtetit.
Në intervistë, që botohet në “Kohën Ditore”, në dy vazhdime, të enjten dhe të premten, ambasadorja Kiliç ka folur edhe për kërkesën drejtuar MPJ-së të Kosovës, ku kërkon masa ligjore ndaj gazetarit Berat Buzhala për një postim të tij ironizues dhe satirik në lidhje me grusht-shtetin në Turqi, si dhe kërkesat për mbylljen e shkollave të rrjetit të Gulenit në rajonin ballkanik./a.m.
