Dy raste të dhunës në familje kanë bërë që dy burra në Tiranë, të vihen në prangat e policisë pas denoncimit të bërë nga gratë e tyre.
Nga efektivët e komisariatit Nr. 5, Kamëz u arrestua në flagrancë, për veprën penale “Dhuna në familje”, Xh. M., 36 vjeç, banues në Çerkezë, Zall Herr.
Ai akuzohet se ka ushtruar dhunë fizike, psikologjike si dhe ka kërcënuar me jetë bashkëshorten e tij.
Po nga i njëjti komisariat u arrestua nën akuzën e përndjekjes 54-vjeçari H. M., lindur në Domje dhe banues në Laprakë.
Ai akuzohet se ka përndjekur në mënyrë sistematike në qëndrën e punës ku punon dhe ku jeton ish-bashkëshorten e tij, duke i krijuar gjendje ankthi dhe frike.
/a.r
