Lulzim Basha ka dalë në një konferencë për shtyp pas arrestimit të zyrtarëve të PD Qarku Elbasan.
Ai i cilësoi si veprime të hapura politike dhe raprezalje ndaj qytetarëve që protestojnë kundër regjimit.
Pavarësisht se 7 të ndaluarit akuzohen për goditje me sende të forta ndaj eskortës së Edi Ramës, Basha i cilësoi si bilanc regjimesh represive.
“Sistemi i drejtësisë është shpartalluar. Rama ka vendosur në Shqipëri pushtet autokratik dhe të kundërligjshëm. Pasi vuri në kontroll pushtetet, tani po i përdor ata si vegla” – tha Basha.
/a.r
Nën akuzë për veprat penale të “Organizimit, pjesëmarrjes në grumbullime, manifestime të paligjshme”, dhe “Pengimi i qarkullimit të mjeteve të transportit’’ “Pengim i subjekteve zgjedhore”, janë shtetasit:
– B.V., 48 vjeç, (Kryetari i Degës së PD-së Librazhd);
– A.B., 53 vjeç, nga, Elbasani (ish deputet i PD);
– A.K., 43 vjeç, nga Prrenjasi;
– E.G., 32 vjeç, nga Librazhdi (sekretari i PD-së, dega Librazhd);
– D.B., 47 vjeç, nga Shtërmeni, Cërrik;
– L.O., 31 vjeç, nga Piskashi;
– B.K., 54 vjeç, nga Librazhdi.
