Gjykata e Shkodrës ka vendosur masën e sigurisë arrest me burg për kreun e Njësisë Administrative Pult në Shkodër, Tom Markun.
Ky i fundit u arrestua në aksionin e katër ditëve më parë, pasi merrej me kultivim kanabisi.
Marku u arrestua pas aksionit të madh policor, ku mori pjesë edhe FNSH. Ai, dy ditë para se të arrestohej, pati dalë në media ku deklaronte se nuk e ka favorizuar kanabisin.
Sot në gjykatë tha se kishte 20 vjet që nuk banonte në banesën e tij ku u gjetën 15 rrënjë kanabis.
“Kam 20 vjet që nuk banoj atje ku u gjet kanabisi. Nuk jam kriminel. Kurrë s’kam mbajtur qoftë edhe një armë. Kam kryer regjistrim të tokave kundër kanabisit”, tha ai në Gjykatë.
ARRESTIMI
Policia dhe grupet e FNSH-së kanë kryer një aksion masiv në Malësinë e Dukagjinit 4 ditë më parë, ku kanë zbuluar rreth 10 mijë rrënjë kanabis.
Policia thotë se droga ishte mbjellë në 46 parcela dhe ishte gati për t’u korrur.
Panorama/d.i.
