“Sa herë që udhëtoj mundohem që të marr me vete një qenush nga Animal Rescue Albania për një jetë më të mirë në një familje që dëshiron t’i adoptojë! Kësaj here ishte shumë prekëse pasi ky qenush në foto po qante derisa e mora unë në duar. Ai filloi të qetësohej, zemra iu kthye në ritmin normal dhe e zuri gjumi. Kjo tregon sesa këto kafshë besnike e duan njeriun dhe sesa ne duhet t;i mbështesim shpirtrat e tyre të pastër”.
Ky është mesazhi që bukuroshja Armina Mevlani ka përcjellë në faqen e saj në portalin social Facebook. Nuk është hera e parë që Armina përcjell pozitivitet dhe mundohet me çdo kusht të japë mesazhe të mira. Këtë e ka bërë shpesh edhe me të rinj apo fëmijë që kanë pasur nevojë për ndërhyrje mjekësore, apo qoftë edhe disa fjalë që e mbështesin shpresën për një jetë më të mirë.
