Shtetet e Bashkuara të Amerikës kanë dërguar armë vdekjeprurëse në Ukrainë, në mes të kulmit të tensioneve që ka shkaktuar konflikti në rritje me Rusinë.
Në një postim në Twitter, ambasada amerikane në Kier, thotë se në mesin e ndihmave ka edhe municione për mbrojtësit e vijës së parë të Ukrainës.
“Dërgesa tregon përkushtimin e SHBA për të ndihmuar Ukrainën të forcojë mbrojtjen e saj përballë agresionit në rritje rus”, shkruan ambasada.
Ndërkohë sipas një raporti të CNN, ambasada amerikane në Ukrainë “ka kërkuar evakuimin e të gjithë stafit jothelbësor mes frikës në rritje të një pushtimi rus dhe mbërritjes brenda natës të dërgesave të armëve të premtuara nga Presidenti Joe Biden”.
Evakuimet në SHBA ka gjasa të fillojnë “që në fillim të javës së ardhshme”, shkruan CNN, duke cituar një burim të afërt me qeverinë ukrainase.
Kjo lëvizje shënon zhvendosjen e fokusit të ambasadës drejt “ndihmimit të Ukrainës për të forcuar mbrojtjen e saj përballë agresionit rus në rritje”, citon The Guardian.
