Së shpejti qeveria do të sjellë në Kuvend një projekligj të ri për veprën penale të Armëmbajtjes pa leje. Ministri i Drejtësisë Ylli Manjani ka vendosur për hartimin e një drafti të ri që do të sjellë përmirësimin e habimeve të ligjit ekzistues në nenin 278 të kodit penal.
Pas vendimit të Gjykatës Kushtetuese vitin e kaluar për të shfuqizuar ndryshimet ligjore për amërmbajtjen pa leje, më konkretisht për masën e dënimit të kësaj vepre, një tjetër problematikë doli kohët e fundit.
Në faqen zyrtare të ligjeve, shkruhej se dënimi për armëmbajtje pa leje dënohej me masën nga gjobë deri në 50 vite burgim.
Kjo e dyta solli edhe më pas reagimin e Kryeprokurorit Llalla.
Në vitin 2013 dhe 2014 qeveria i bëri disa ndryshime ligjit në fjalë ku kërkonte që masa e dënimit të ishte burgim nga 10 deri në 20 vite, nëse vepra penale do të përsëritej. Në atë kohë, Gjykata Kushtetuese e argumentoi vendimin për shfuqizimin e këtij projeklgiji me argumentin se masa e dënimit duhet të jetë në përpjestim të drejtë me veprën penale që ajo përcakton.
