Ditën e djeshme në media qarkulloi lajmi se Armela, vajza pjesëmarrëse në “Big Brother” ka jetuar disa vite në Amsterdam ku punonte si hostes me një rrogë të lartë e për shkak të xhelozisë të sëmurë të të dashurit iu desh të ndahej nga ai.
Por e vërteta duket se është krejt tjetër.
Një mik i afërt i Armelës ka shkruar ditën e sotme në redaksinë e JOQ.al ku bën me dije se lajmi për jetesën e vajzës në Amsterdam është i rremë dhe se vajza e ka kaluar gjithë jetën e saj në Shqipëri.
“E keni gabim që thoni se Armela ka jetuar në Amsterdam. Jeni keqkuptuar të gjithë. Ajo nuk ka jetuar asnjëherë atje. Ka shkuar vetëm për pushime, siç shkojmë të gjithë, e jo më të ketë punuar që s’bëhet llaf. Ndoshta e keni kuptuar gabim kur keni marrë informacionet sepse Armela ka punuar në Tiranë në një klub me muzikë live dhe tallava që ndodhet në Laprakë. Aty punonte si hostes, priste njerëzit, u bënte shoqëri në tavolina. Merrte rrogë të kënaqshme dhe jetonte mirë me punën që bënte. Unë e kam shumë shoqe”, – tregon mesazhdërguesi./a.m.
