Armë pa leje në makinë, Ismail Morina del nesër para Gjykatës
Ismail Morina i cili u arrestua një ditë para përballjes ShqipëriSerbi në ‘Elbasan Arena’, do të njihet nesër me masën e sigurisë. Gjykata pritet të vendosë nesër për masën ndaj tij. Ballist Morina u ndalua nga Policia teksa drejtonte mjetin tip “Ronge Rover” dhe gjatë kontrollit iu gjet edhe një armë tip pistoletë, pa leje.
Ndalimi i Morinës së bashku me tre persona të tjerë është bërë në rrugën “Petro Nini Luaras”. Ballisti Morina ka deklaruar në polici se armën e mbante për vetëmbrojtje. Morina vetëm një ditë më parë tregoi se kishte një surprizë për Vuçiç nëse do të ishte i pranishëm në “Elbasan Arena” në takimin e nesërm mes kombëtares
sonë dhe Serbisë.
