Një 28 vjeçar ka rënë në prangat e policisë së Durrësit pasi akuzohet për armëmbajtje pa leje.
Arrestimi i të riut Silvestër Grillos është bërë pas njoftimit të qytetarëve se ai lëvizte me armë zjarri me vete.
Ndërkohë policia bën me dije se pas kontrollit të ushtruar në banesën e tij në lagjen NR.2 në Durrës është gjetur dhe sekuestruar një armë zjarri pistoletë dhe një sasi municioni luftarak.
“Vijojnë kontrollet për rritjen e parametrave të sigurisë.
Falë dhe bashkëpunimit me qytetarët, kapet dhe vihet në pranga një 28-vjeçar, për armëmbajtje pa leje.
Sekuestrohet një armë zjarri psitoletë dhe një sasi municioni luftarak.
Shërbimet e Komisariatit të Policisë Durrës në vijim të punës për kapjen e personave në kërkim , atyre që transportojnë dhe shpërndajnë lëndë narkotike apo qarkullojnë e mbajnë armë zjarri pa leje, falë dhe informacioneve të marra nga qytetarët për një shtetas që mbante armë zjarri, kanë ushtruar kontroll të befasishëm në banesën e shtetasit S.G në lagjen nr 2.
Si rezultat i kontrollit shërbimet e Policisë gjetën dhe sekuestruan në cilësinë e provës materiale një armë zjarri pistoletë dhe një sasi muncioni luftarak .
Në përfundim të veprimeve të para hetimore u bë arrestimi në flagrancë i shtetasit S.G, 28 vjeç, banues në lagjen nr.2, Durrës dhe materialet i kaluan Prokurorisë së Rrethit Gjyqësor Durrës për veprime të mëtejshme për vepën penale “Mbajtje pa leje dhe prodhim i armëve, amëve shpërthyese dhe municionit‘’”, thuhet në njoftimin e policisë.
g.kosovari
