Garda e Republikës ka bërë një deklaratë zyrtare për mediat, lidhur me pretendimin e deputetë ve të opozitës, se punonjësit e gardës të cilët ishin të pranishëm në seancën plenare ditën e sotme ishin të armatosur.
Në deklaratën e gardës thuhet se ky pretendim është i pavërtetë ndërsa shtoi se Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit.
Deklarata e Gardës së Republikës
Lidhur me pretendimin e disa deputetëve të opozitës, se punonjës të Gardës në seancën parlamentare kanë qenë me armë në sallë, Garda e Republikës sqaron se:
Ky pretendim është tërësisht i pa vërtetë.
Asnjë prej punonjësve të Gardës së Republikës, siç parashikon baza ligjore në fuqi, nuk ka qenë i pajisur me armë zjarri brenda sallës ku zhvillohen punimet.
Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit.
/f.s
