Disa punonjës që ishin duke gërmuar një rrugë të zënë në qytetin meksikan të Tultepecut, i kanë gëzuar arkeologët me gjetjen e një mamuthi gjigand.
Skeleti i bishës – për të cilin ekspertët besojnë se ishte rreth 4.8m i gjatë dhe peshonte rreth 10 tonë – u gjet përderisa disa punonjës ishin duke rregulluar një rrugë në San Antonio.
Ekspertët thonë se bisha ngordhi 12,000-14,000 vjet më parë, raporton The Telegraph.
Ndër eshtrat që ekspertët gjetën aty ishin eshtrat e këmbëve, brinjët dhe rruazat. Ekspertët besojnë se bisha kishte ngecur në baltë, gjë që ishte arsyeja e ngordhjes së saj./express/a.k
