Arabia Saudite ka fituar ndeshjen hapëse të ‘Katar 2022’ përballë Argjentinës.
Skuadra e Mesit edhe pse një prej pretendenteve kryesore, u mund 2-1.
Në fillimin e pjesës së dytë, sauditët shënuan dy gola të shpejtë.
Al Shehri shokoi Argjentinën duke shënuar për 1-1 në minutën e 48’ të ndeshjes. Por, vetëm pesë minuta më vonë Al Dawsari realizoi për 2-1 duke e përmbsysur rezultatin.
Argjentina ishte në avantazh nga minuta e dhjetë me golin e Leo Messit nga penalltia, avantazh që nuk arriti ta ruante.
Kjo është humbja e parë për Argjentinën pas 36 ndeshjesh.
Deri tani, ky rezultat është surpriza e madhe në këtë fillim botërori.
Gjatë pjesës së parë, Argjentinës iu anuluan tre gola për pozicion jashtë loje.
Me 3 pikët e fituara, Arabia Saudite merr kryesimin e Grupit C dhe pret rezultatin e duelit mes dy rivalëve të tjerë të grupit Poloni-Meksikë.
/s.f
