Në mjediset e Komandës Mbështetëse, Vaqarr, Tiranë, u zhvillua sot ceremonia e emërimit të komandantit të ri të Komandës Mbështetëse, kolonel Ardian Bali.
Në këtë ceremoni morën pjesë ministrja e Mbrojtjes, Mimi Kodheli, shefi i Shtabit të Përgjithshëm të FA-së gjeneralmajor Jeronim Bazo, komandantët e forcave, efektivë të KM etj.
Në fjalën e saj, ministrja Kodheli vlerësoi rolin e kësaj komande në kuadër të Forcave të Armatosura.
Ajo u shpreh se komandën vjen ta drejtojë një tjetër ushtarak i lartë me cilësi, virtyte dhe përgatitje po aq të jashtëzakonshme, siç është tashmë ish-drejtori i Shtabit të Përgjithshëm dhe që nga sot komandanti juaj, Kolonel Ardjan Bali”.
“Unë besoj dhe shpresoj që komandant Bali do të jetë në lartësinë e duhur të një komande të një FA që është pjesë e ushtrisë më të madhe, të fortë, të sigurtë siç është ajo e NATO-s. E quaj ushtri këtë organizatë politiko ushtarake më të madhe në botë, sepse dua ta konsideroj një familje të madhe, ku gjithsekush bën detyrat e shtëpisë, por gjithsekush ndihmon edhe tjetrin, atë që ka në krahë”, tha Kodheli.
Në fund të fjalës së saj, ministrja Kodheli shprehu besimin e plotë se KM do të vazhdojë të jenë themeli, prapavija, mbështetja më e mirë e strukturave të tjera të FA-së dhe padyshim në ball të të gjitha punëve të emergjencave civile dhe të pranisë tuaj kudo ku kjo është e nevojshme dhe sa herë që kjo është e nevojshme./r.a
