Pas ngjarjeve të fundit që lidhen me arrestimin e Erion Veliajt, prezantuesi i njohur Ardit Gjebrea ka dalë publikisht në mbështetje të tij. Në një postim në Instagram, Gjebrea ka ndarë mendimet e tij për kontributin e Veliajt në transformimin e Tiranës, duke theksuar se puna dhe vizioni i tij kanë sjellë ndryshime të mëdha në qytet.
Ai shprehet se është i bindur që vlerat dhe përkushtimi i Veliajt do të vlerësohen me kalimin e kohës dhe shton se ndjehet krenar për miqësinë e tyre. “Një ditë do të të kërkojnë, dhe e di: I afti gjithmonë e gjen mënyrën të jetë i denjë për veten dhe familjen. Jam i lumtur dhe krenar që kam një mik si ty!”, shkruan ai, duke e shoqëruar mesazhin me hashtagun #jamerion.
Ky qëndrim i Gjebreas është një nga shumë mesazhet e mbështetjes që kanë ardhur nga figura publike, duke treguar besim tek integriteti dhe puna e Veliajt ndër vite.
