David de Gea raportohet se ka vendosur të qëndrojë te Manchester Unitedi edhe për sezonin e ardhshëm.
Javët e fundit është raportuar se portieri spanjoll do të largohej nga Old Traffordi nëse Louis van Gaal mbetet menaxher i klubit edhe për sezonin 2016-17.
Real Madridi thuhej se është destinacioni i preferuar i De Geas, të cilit i dështoi një transferim te “Mbretërit” gjatë afatit kalimtar të verës, referon Koha.
Manchester Evening News ka pohuar se shkarkimi i Louis van Gaalit dhe ardhja e mundshme e Jose Mourinhos ia ka ndryshuar mendjen portierit 25-vjeçar.
De Gea dëshiron që të krijojë një lidhje më të mirë me Mourinhon, për dallim atë që e kishte me Van Gaalin. (b.an)
