Arben Malaj ka dalë në terren për të sulmuar qeverinë. Ish-anëtari i Këshillit Mbikqyrës të BSH apeloi për ndërhyrjen e Erjon Braçes dhe Pandeli Majkos që të ndalojnë prishjen e Teatrit Kombëtar.
Duke folur para turmës, Malaj tha se duhet që të gjitha palët të bëjnë maksimumin për të gjetur një zgjidhje, shkruan JavaNews.al
Por turma ka brohoritur për Lulzim Bashën i cili i është bashkuar protestës në momentin që Malaj ka qenë duke folur. Ky i fundit ndërhyri duke u shprehur: Po mirë, vazhdoni me zotin Basha pra…
Sot në protestën para Teatrit janë të pranishëm nga radhët e PD Lulzim Basha, Gazment Bardhi, Çlirim Gjata, Albana Vokshi, Klevis Balliu dhe Belind Këlliçi.
Pjesë nga fjala e Malajt:
“Të dashur protestues dhe polic. Kam ardhur këtu me mesazhin e Nënë Terezës.Ministria e Kulturës të heqë policët nga institucioni. Ministri Majko dhe socialisti shumë i mirë Erjon Brace të kërkojë një vendim qarkullues.
Të bllokohet rrethimi nga policia dhe të bllokohet aktiviteti në Teatrin Kombëtar.
Nëse Majko e Brace e duan këtë vend ajo bëhet gati për 20 minuta. Nëse qeveria nuk e bën, vendim qarkullues për mos prekjen e teatrit i takon kuvendit, Gramoz Rucit të mbledhë deputetin.
Ndalo ndëryrjen tek Teatri. Pas kësaj të gjithë së bashku të bëjmë zgjidhjen më të mirë.”
/javanews/a.r
