Arabia Saudite është shumë optimiste për bashkëpunimin e saj me administratën e presidentit amerikan, Donald Trump, deklaroi sot ministri i Jashtëm saudit Adel al-Jubeir në Konferencën për Sigurinë Kibernetike që po zhvillohet në Mynih.
”Trump është pragmatik, biznesmen dhe jo ideolog. Ai kërkon që vendi i tij të ketë një rol në skenën globale”, theksoi Adel al-Jubeir.
”Administrata e tij është e përbërë nga individë të aftë dhe me kapacitete”, shtoi ai.
“Kur Amerika nuk merret me problemet e botës kjo krijon një rrezik të madh”, theksoi ministri i Jashtëm saudit duke shtuar se vendi i tij dhe Shtëpia e Bardhë kishin shumë qëllime të përbashkëta përfshirë shkatërrimin e ISIS-it./b.d
