Lufta ndërmjet gjigantëve të teknologjisë Apple dhe Samsung siç duket ende nuk ka përfunduar.
Samsungu pasi bëri pagesën prej 548 milionë dollarëve muajin e kaluar për të shlyer gjobat e mëparshme, tani Apple është duke kërkuar edhe një pagesë shtesë prej 180 milionë dollarëve, shkruan GSMArena.
Shuma e re kërkohet për dëmet plotësuese, që përfshin dëmet për shkeljet pas datës së ndërprerjes së gjykimit, i cili është një shumë shtesë prej 178.7 milionë dollarë, dhe 1.2 milionë dollarë shtesë të interesit paragjykimit, që arrin në rreth 180 milionë dollarë, transmeton Koha.net. Dëmet plotësuese janë për pesë modelet e telefonave të Samsungut të shitura pas vitit 2012 në të cilët kishte shkelje patentimi.
