Në Fier ka nisur të funksionojë i pari sportel unik për fermerët, një one stop shërbimesh, por dhe marrje informacioni për ta.
Ky sportel, që ishte një premtim elektoral i socialistëve, është inauguruar nga Kryeministri dhe Ministri i Bujqësisë, ku është lajmëruar dhe miratimi brenda këtij muaji i skemës së re mbështetëse për fermerët.
“Do të ndryshojë rrënjësisht edhe raportin me fermerët për ti dhënë gjithë transparencën dhe mbështetjen e nevojshme, do ndryshoj rrënjësisht edhe qasjen te mënyra se si janë ndërtuar skemat e reja”, deklaroi Rama.
Sporteli unik do të ofrojë për fermerët shërbimin e aplikimit për grante dhe subvencione me fondet buxhetore, si dhe për programin IPARD, këshillim për plane biznesi, informacion dhe këshillim bujqësor, informacion financiar dhe informacion për tregjet bujqësore.
a.ç
