Shqipëria do të përdorë Inteligjencën artificiale në pikat doganore për të parandaluar rastet e kontrabandës së mallrave.
“Dhe për të zhilluar operacionet data-driven për analizën e riskut, zbatimin të legjislacionit për të siguruar jo vetëm të ardhurat në buxhet por edhe kufijtë nga fenomenet e paligjshme, për të siguruar konkurrencën e ndershme dhe mbështetjen e zhvillimit të ekonomisë”, shprehet drejtori Gazheli.
Për përmbushjen e këtij objektivi ambicioz do të ndihmojë edhe Dhoma Amerikane e Tregtisë, pavarësisht urdhrit të presidentit Trump për pezullimin e ndihmave.
“Ne kemi një shprehje në shqip: “gurë–gurë bëhet mur”. Çdo hap i hedhur prodhon progres. Ne kalojmë shumë kohë si “dhomë” për të kritikuar ato që nuk shkojnë mirë dhe për t’iu dhënë një dorë në ato që duhen ndryshuar. Unë dua që Shqipëria të mendojnë për arritje të forta. Se si ajo mund të jetë “e mrekullueshme”, tha Grant Van Cleve, Presidenti i dhomës Amerikane në Shqipëri.
Nga forumi i biznesit me në fokus procedurat kufitare dhe sipërmarrjen 2025, pati disa sugjerime për “doganat”
“Së pari rasti i kontratave afatgjata që një subjekt tatimpagues improton mallra për një periudhë një vjeçare”, deklaroi Alketa Uruçi.
Përfaqësues të Dhomës Amerikane i kërkuan administratës doganore që të vijoj reformat që lidhen me çmimet e referencës si dhe me thjeshtimin e procedurave doganore.
