Kolegji i Posaçëm i Apelimit ka rrëzuar sot vendimin e KPK duke konfirmuar në detyrën e prokurorit pranë Prokurorisë së Përgjithshme, Arqilea Koça.
Trupi gjykues i Kolegjit të Posaçëm të Apelimit, i përbërë nga Ardian Hajdari kryesues, Sokol Çomo relator, Albana Shtylla, Natasha Mulaj, Rezarta Schuetz, anëtarë, shpalli sot vendimin për çështjen që i përket ankimit të paraqitur nga subjekti i rivlerësimit Arqilea Koça kundër vendimit të Komisionit të Pavarur të Kualifikimit.
Në përfundim të gjykimit, bazuar në nenin 59, pika 1 dhe 66, pika 1, shkronja “b” e ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, trupi gjykues, me shumicë votash, vendosi:
Ndryshimin e vendimit të Komisionit të Pavarur të Kualifikimit, vendosi me që i përket subjektit të rivlerësimit Arqilea Koça dhe konfirmimin e tij në detyrën e prokurorit pranë Prokurorisë së Përgjithshme.
Më parë, Komisioni i Pavarur i Kualifikimit vendosi shkarkimin nga detyra të subjektit të rivlerësimit, Arqilea Koca, me detyrë Prokuror pranë Prokurorisë së Përgjithshme.
/a.r
