Gjykata e Apelit e Krimeve të Rënda ka përcaktuar trupën gjyqësore që do të gjykojë apelimin e Prokurorisë për rikthimin në burg të Arben Frrokut i vënë nën akuzë për vrasjen e kryekomisar Dritan Lamaj.
Me anë të hedhjes së shortit është caktuar se kryesuese e trupës gjykuese do të jetë gjyqtarja Nertina Kosova, ndërsa anëtarë do të jenë Nure Preni, Albana Boksi, Dhimitër Lara e Amarildo Laçi.
Më datë 3 prill Gjykata e Krimeve të Rënda shpalli të pafajshëm Arben Frrokun, ndërsa ky vendim u kundërshtua nga Prokuroria e cila vendosi të çojë çështjen në Apelin e Krimeve të Rënda.
Frroku u shpall i pafajshëm nga Gjykata e Krimeve të Rënda më 3 prill, megjithëse organi i akuzës kishte kërkuar burg të përjetshëm. Gjykata e Krimeve të Rënda deklaroi se provat e paraqitura nga Prokuroria nuk provohen.
Redaksia Online
(Javanews.al)
