Media greke “Kathimerini” i ka kushtuar një shkrim, vendimit të Gjykatës së Posaçme të Apelit në Tiranë, që la në burg, Fredi Belerin, kryetarin e zgjedhur të bashkisë së Himarës.
“Gjykata e Posaçme e Apelit në Tiranë rrëzoi edhe një herë kërkesën për lirimin nga burgu të Fredi Belerit dhe të drejtën e tij për të ushtruar detyrën e kryetarit të bashkisë.
Beleri është arrestuar që prej muajit maj me akuzën se dyshohet se ka blerë votat, pasi u zgjodh kryetar i qytetit të Himarës në Shqipëri me shumicë etnike greke”, shkruan gazeta.
Po ashtu gazeta citon edhe deklaratën që u mbajt nga Dhoma e Avokatisë në Greqi dhe Presidentit të Avokatëve Evropianë pa kufi, të cilët thanë se janë shkelur disa nene të Konventës Evropiane për të Drejtat e Njeriut.
“Presidenti i Avokatëve Evropianë pa Kufij Patrick Henry vuri në dukje se me vendimin për mohimin e lirimit të Belerit, gjykatat shqiptare shkelën nenet 5 dhe 10 të Konventës Evropiane për të Drejtat e Njeriut.
Ai shtoi se nuk ka motive që Fredi Beleri të largohet nga vendi, ndërsa në të njëjtën kohë mund të merren masa të sigurta për të parandaluar arratisjen e tij.
Ai e konsideroi burgun joproporcional me krimin e Belerit pasi janë mbi 30 persona të akuzuar për vepra elektorale që nuk mbahen në paraburgim.
Kryetari i Dhomës së Avokatisë në Greqi, Dimitris Vervesos iu referua shkeljes së nenit 3 të Konventës Evropiane për të Drejtat e Njeriut, i cili e konsideron të paligjshme pengimin e një zyrtari në kryerjen e detyrës në mungesë të një vendimi gjyqësor të formës së prerë dhe të parevokueshme”, mbyll artikullin e saj gazeta greke./m.j
Cfare te drejtash kerkoni cameria cfare duhet te Bej per te drejtash E saj Ku dhe nje qiri nuk mind te ndezin ne varet E prinderve