“Vetëm dy kolegje gjyqësore ndodhen përballë mbi 19 mijë dosjeve në Gjykatën e Apelit, të cilat pritet të shqyrtohen. Dosjet janë të mbartura nga viti 2017 e në vijim. Ndërkohë, aktualisht 6 gjyqtarët, po shqyrtojnë vetëm çështje penale me afat”.
Sipas të dhënave të siguruara nga Tv Klan, një gjyqtar në Apel, ka mbi 3263 çështje. Po si nisi mbartja e dosjeve?
Përpos ngarkesës që kanë në Apelin e Tiranës, gjyqtarët delegohen edhe në rrethe.
Përgjatë vitit 2021 u regjistruan në Apel 5707 çështje të reja. KLGJ po punon për emërimin e gjyqtarëve të rinj. Procesi i vetingut shkarkoi nga detyra 13 gjyqtarë, ndërsa 6 të tjerë dhanë dorëheqjen, duke vënë në vështirësi shkallën e dytë të gjyqësorit.
/a.r
