Policia e Shtetit u kërkon gjithë qytetarëve të Durrësit dhe rrethinave të kufizojnë në maksimum lëvizjet me mjetet e tyre, për t’u dhënë mundësi autoriteteve dhe shërbimeve të emergjencave civile të qarkullojnë lirshëm në rrugë, për t’ju ofruar ndihmën e nevojshme banorëve të lënduar nga pasojat e tërmetit të mëngjesit të sotëm.
Rreth 1,900 forca policie janë të angazhuara në terren, për t’ju ardhur në ndihmë banorëve të prekur nga tërmeti.
Policia bën të ditur se deri në orën 08:30 u është dhënë ndihmë mbi 260 qytetarëve.
Për çdo ndihmë telefononi në numrin falas 112!
Më herët, policia bllokoi edhe mbikalimin e Shkozetit për shkak se u dëmtua nga tërmeti.
