Nga Korça, kryetari i bashkisë së Bukureshtit ka këshilluar që zgjedhjet e 30 qershorit të mos bojkotohen.
Daniel Turdorache ka deklaruar se çdo njeri ka të drejtë të votojë dhe kjo e drejtë nuk duhet të hiqet.
“Nuk jam dakord me asnjë bojkotim të partive në zgjedhje. Çdo njeri ka të drejtë të votojë dhe kjo e drejtë nuk mund të hiqet. Këshilloj që të mos bojkotohen zgjedhjet. Nuk është dinjitoze që një opozitë t’i kërkojë popullit mos shkojë në votim”, deklaroi ai.
Më tej Daniel Turdorache theksoi se na pëlqen apo s’na pëlqen, ne duhet ta respektojmë votën.
“Edhe ne kemi zgjedhje pas një viti. Edhe unë jam pjesë e partisë qeverisëse. Edhe ne opozita na atakon nga të gjitha fondet. Ne duhet të ecim përpara. Ne kemi zgjedhje parlamentare pas 3 javësh. Opozita na qëllon nga të gjitha këndet”, tha kryebashkiaku i Bukureshtit.
Këtë deklaratë Tudorache e bëri nga qyteti i Korçës, ku u nënshkrua marrëveshje për binjakëzim midis dy bashkive.
g.kosovari
