Një hakmarrje ndaj denoncimeve për inceneratorin e Tiranës e ka cilësuar Monika Kryemadhi mbajtjen nën sekuestro të një prej vilave të saj, teksa ka liruar nga sekuestro banesën e nënës së saj. Në një deklaratë për mediat pas vendimit të Apelit, Kryemadhi theksoi se të dy banesat janë përfituar në mënyrë të ligjshme.
“Është e gjitha një hakmarrje sa i përket inceneratorit të Tiranës. Është një betejë ligjore që do durim dhe konsitencë nga ana jonë. Si banesa ime dhe e mamasë time janë të përfituar në mënyrë të ligjshme, por ka edhe një avantazh se unë futem pa radhë në gjykatën e Strasburgut. Unë e kam marrë me shkëmbim apartamnetin tim. Bëhet fjalë për një shtëpi në bllok që janë marrë të dyja me kredi”.
Akuza e ngritur për korrupsion mes Fatime Kryemadhit dhe Ilir Metës, për Monika Kryemadhin është absurde dhe krijon një precedent të keq.
“Që të jemi të sinqertë prokurorët dje ngritën arsyen e bashkëpunimti të Fatime Kryemadhit me Ilir Metën për korrupsion që në videon e Dritan Priftit që është absurde që prokuroria mendonte që çështja ishte pushuar kur cështja ëhstë gjykuara në themel dhe ka dalë 5-0 dhe relator ka qenë Dvorani. Ndërsa për çështjen e CEZ DIA-s që pretendojnë se Fatime Kryemadhi ka bashkëpunuar me Metën për të blerë banesën e saj, Fatime Kryemadhi e ka blerë në mars, ndërsa Meta dyshohet për një çështje që është gjykuar dy herë si në arbitrazh dhe në shkallë të parë të dytë në vitin 2015. Vepra për të cilën dyshon Dumani bëhet fjalë për në dhjetor 2010. Si mund të jetë bashkëpunimi i Fatime Kryemadhit me Ilir Metën? Kështu që edhe gjyqtarja nuk ka koherencë, sistem të provave dhe fakteve. Është pak absurde dhe krijon precedent të keq”.
Kryemadhi pranoi gjithashtu se edhe nëna e saj është nën hetim nga SPAK.
“Edhe Fatime Kryemadhi është nën hetim nga SPAK. Është nën akuzë, mjafton që i vajtën kontroll në shtëpi je në hetim”.
Ajo tha se ka 35 ditë kohë për bërë rekurs në gjykatën e lartë lidhur me masën e sigurisë ndaj saj që është detyrim paraqitje, por theksoi se do të presë vendimin e Kushtetueses për Berishën, se janë të lidhura me statusin e deputetit.
“Në 6 dhjetor nga ka ardhur vendimi. Kemi 35 ditë kohë për të bërë rekurs në Gjykatën e Lartë. Por do pres për masën time të sigurisë vendimin e Kushtetueses për doktor Berishën se janë të lidhura me statusin e deputetit. Po pres të zbardhet vendimi i Gjykatës së Lartë për ta vazhduar në Kushtetuese”.
