Apeli i Gjykatës së Posaçme kundër Korrupsionit dhe Krimit të Organizuar ka lënë në fuqi dënimin e Shkallës së Parë ndaj Laert Haxhiut, burgim të përjetshëm, të shpallur fajtor për masakrën e Lushnjes në vitin 2017 me dy të vrarë.
Tashmë vendimi është i formës së prerë.
Të pranishëm në sallë ishin vetëm prokurori Altin Dumani dhe avokati mbrojtës Detar Hysi, ndërsa i pandehuri, Laert Haxhiu, nuk mori pjesë.
umani sqaroi se si grupi i Laert Haxhiut siguroi informacion për hyrjen e Xhuljo Shkurtit në Shqipëri me të cilin kishte konflikt të gjatë.
“Shkalla e organizimit është e lartë. Ata sigurojnë informacion për hyrjen në Shqipëri të Xhuljo Shkurtit, sigurojnë armët e zjarrit etj.
Te gjitha këto prova provojnë ekzistencën e grupit të strukturuara kriminal. Lidhur me pretendimet për pavlefshmëri te zgjatjeve te afatit, me te drejte GJKKO ka rrezuar kërkesën e të pandehurit. Të gjitha zgjatjet e afateve i janë komunikuar mbrojtjes.
Shqyrtimi gjyqësor ka administruar edhe prova të tjerë, siç janë dëshmitarët qe janë ndodhur në vendim e ngjarjes. Ata kanë identifikuar si autorë të tre këta të veprës penale. (Laert Haxhiun, Orges Bilbilin, Antero Kaloshin)”, tha Dumani.
Jurgen Hoxha dhe Zamir Latifi u vranë në atë ngjarje të rëndë.
Në ngjarjen e vitit 2017 ku krahas dy viktimave mbetën të plagosur edhe dy persona të tjerë, shënjestër ishte nipi i Aldo Bares, Xhulio Shkurti i cili i shpëtoi breshërisë së plumbave.
Pas seancës gjyqësore avokati i Haxhiut, Detar Hysi e quajti vendimin jo të drejtë dhe të njëanshëm. Sipas avokatit mbrojtës gjykata ka skanuar kërkesën e SPAK, dhe me këtë vendim të ndikuar nga faktorë të jashtëm, ka hapur një sagë vrasjesh në qytetin e Lushnjes.
Për të njëjtën ngjarje më herët janë dënuar edhe dy bashkëpunëtorët e Laert Haxhiut, Anterio Kaloshi dhe Orges Bilbili.
/a.r
