Avokati i Popullit z. Igli Totozani, së bashku me tre grupe pune nga institucioni po inspektojnë nga afër zonat e përmbytyra nga reshjet e rënduara të ditëve të fundit. Avokati i Popullit dhe stafi i tij janë pranë qytetarëve të prekur nga kjo fatkeqësi natyrore. Z. Totozani dhe ekspertët e institucionit po monitorojnë masat e marra nga strukturat përgjegjese shtetërore në nivel vendor dhe qendror, për eliminimin e pasojave, evidentimin dhe vlerësimin e dëmeve në rastet e emergjencave civile, si dhe marrjen e ankesave nga ana e qytetarëve.
Konkretisht Avokati i Popullit, z. Igli Totozani, së bashku me disa ekspertë po kryen inspektime në zonën Rrogozhinë- Lushnje; Grupi i dytë ndodhet në zonën e Lezhës dhe grupi i tretë i punës në zonën Sukth – Shijak.
Pas verifikimit në terren të familjeve që kanë pësuar dëme nga përmbytjet Avokati i Popullit do të hartojë edhe rekomandimet përkatëse në ndihmë të tyre.
