Bashkitë e drejtuara nga partia demokratike i janë drejtuar përmes një shkrese komisionit qëndror të zgjedhjeve, përmes së cilës kërkojnë zbatimin e dekretit të Presidentit për anulimin e zgjedhjeve të 30 qershorit.
Kërkesa mban datën 14 qershor 2019 dhe i drejtohet Komisioneve Zonale të Administrimit Zgjedhor përkatëse.
Në kërkesë kërkohet heqja e listave të zgjedhësve të afishuara në institucionet arsimore si dhe lirimin e ambienteve nga KZAZ.
Kryebashkiaku i Kavajës, Isa Sakja, në letrën e firmosur për KQZ-në, ministrisë së brendshme si edhe prefekturës Tiranë, kërkon që KZAZ nr 42 të ndërpresë të gjitha veprimet për afishimin e listave të zgjedhësve në të gjitha shkollat të cilat janë në pronësi të Bashkisë Kavajë.
Të njëjtën kërkesë ka dorëzuar pranë KQZ edhe kreu i Bashkisë së Matit Nezir Rizvani, si edhe kreu i bashkisë në Skrapar, Nesim Spahiu. Lirimin e ambjenteve të KZAZ me qëllim zbatimin e dekretit të Presidentit Ilir Meta për anulimin e zgjedhjeve të 30 qershorit e kanë kërkuar edhe kryetarja e Bashkisë në Gjirokastër, Zamira Rami.
Bashkia Gjirokastër kerkese KZAZ nr 78
Kerkohet: Lirimi i menjehershem i ambjenteve te KZAZ-se Nr, 78 ne Pallatin e Sportit te Gjirokastres.
Heqja e listës përfundimtare të zgjedhjeve të publikuara dhe të afishuar në institucionet arsimore parashkollore dhe parauniversitare (çerdhe/kopshte/ Shkolla/ në administrimin dhe pronësi të Bashkisë së Gjirokastres”
Bashkia Skrapar kerkese KZAZ nr 66
Kerkohet: Lirimi i menjehershern te ambjenteve te KZAZ-se Nr, 66 qe ndodhet ne Qendren Kulturore “Riza Cerova”
Heqja e listës përfundimtare të zgjedhjeve të publikuara dhe të afishuar në institucionet arsimore parashkollore dhe parauniversitare (çerdhe/kopshte/ Shkolla/ në administrimin dhe pronësi të Bashkisë së Skraparit.
Bashkia Kukes kerkese per KZAZ nr 11
“Bashkia i kërkon lirimin e menjëhershëm të ambienteve të KZAZ-së, nr 11, pranë qendrës kulturore “Hasan Prishtina” si dhe të palestrës sportive të Shkollës së Mesme të Përgjithshme “Havzi Nela në Kukës. Gjithashtu kërkohet heqja e listës përfundimtare të zgjedhjeve të publikuara dhe të afishuar në institucionet arsimore parashkollore dhe parauniversitare (çerdhe/kopshte/ Shkolla/ në administrimin dhe pronësi të Bashkisë së Kukësit”
Kërkesa që i është bërë KZAZ është edhe për të liruar ambientet. Gjithashtu për dijeni i dërgohet KQZ-së, Presidentit, kryeministrit, ministrit të Brendshëm dhe prefektit të qarkut
Bashkia Shkoder kerkese per KZAZ 5
“Ne zbatim te Dekretit te Presidentit te Republikes se Shqiperise, Nr. 11199, date 10.06.2016 “Per shfuqizirnin e Dekretit nr. I 0298, date 05. I 1.2018 te Presidentit te Republikes “Per caktimin e dates se zgjedhjeve per organet e qeverisjes vendore?”, perrnes te te cilit eshte anuluar zhvillimi i zgjedhje me 30 qershor 2019 per organet e qeverisjes vend ore, kerkoj me nga ana juaj:
1. Lirimin e menjehershern te ambjenteve te KZAZ-se Nr, 4 me adrese: Palestra e Shkolles 9- Vjecare “Azem, Hajdari”, Shkoder
2. Heqjen e listave perfundimtare te zgjedhesve te publikuara dhe te afishuara ne qendrat e e votirnit (QV) ne administrim te kesaj KZAZ-je.
Lirimin e menjehershem te arnbjenteve te KZAZ-se Nr. 5 me adrese: Palestra e Shkolles 9- Vjecare “Xheladin Fishta”, Shkoder.
Heqjen e listave perfundimtare te zgjedhesve te publikuara dhe te afishuara ne qendrat e e votimit (QY) ne administrim te kesaj KZAZ-je
Lirimin e menjehershern te arnbjenteve te KZAZ-se Nr. 2 me adrese: Pallati i Sportit “Qazim Dervishi”, Shkoder.
Kjo lëvizje vjen pas veprimit të KQZ, që nuk mori në konsideratë dekretin e Presidentit Meta, duke e cilësuar akt nul, ashtu siç e ka cilësuar edhe mazhoranca. Këto shkresa i janë dërguar për dijeni edhe KQZ-së, ndërkohë që me këtë veprim paralajmërohet se bashkitë e opozitës mund të kryejnë veprime arbitrare për të hequr listat zgjedhore dhe për të prishur procesin, duke u bazuar në dekretin e Presidentit.
g.kosovari
