Anulimi dy herë i testimit për 470 oficerë policie që garonin për 133 grada policore “komisar” është bërë tashmë objekt hetimi në prokurorinë e Tiranës. Shërbimi i Çështjeve të Brendshme dhe Ankesave ka depozituar në prokurorinë e kryeqytetit një kallëzim penal ndaj Zv/drejtores së Policisë së Shtetit Aida Hajna, Drejtorit të Akademisë së Sigurisë Bilbil Mema, Sokol Bizhga dhe Ali Allaraj.
Hetimi për këtë çështje, pritet të nisë nga prokurorja e Tiranës, e cila do verifikojë dhe veprimet administrative të kryera nga kryepolici Ardi Veliu. Drejtori i Përgjithshëm i Policisë së Shtetit është ai që ka hapur dhe ka anuluar testimin, duke bërë që të gjitha rezultat të dalin të “nul” të pavlefshme.
Veliu ka argumentuar vendimin në anulimin e testimit se pjesa më e madhe e efektivave të policisë kishin kopjuar, pasi kishin vjedhur më parë tezën provimit. Mirëpo me këtë vendim të Veliut nuk janë pajtuar shumë nga oficerët të cilët rezulton të jenë ankuar pranë sindikatës së policisë dhe Shërbimit të Çështjeve të Brendshme dhe Ankesave në ministrinë e Brendshme. Pas verifikimit të rasteve konkrete, SHCBA, vendosi të referojë materialet hetimore në prokurorinë e Tiranës, e cila tashmë ka nisur verifikimet për këtë çështje.
ma.me
