Gjatë turit që ka nisur nëpër kryeqytetet evropiane, presidenti i Këshillit Evropian, António Costa, premtoi përshpejtimin e anëtarësimit në BE të shteteve ballkanike, Ukrainës dhe Moldavisë.
Costa deklaroi në Lituani, e cila merr përsipër presidencën gjashtëmujore të Unionit më 1 janar, se “zgjerimi i BE-së është investimi më i mirë në paqen, sigurinë dhe stabilitetin e ardhshëm të kontinentit evropian”.
“Kur flasim për sigurinë e Evropës, nuk duhet të harrojmë zgjerimin. Ukraina, Moldavia dhe vendet e Ballkanit Perëndimor po përparojnë në rrugët e tyre drejt Bashkimit Evropian. Zgjerimi është investimi më i mirë që ne mund të bëjmë për paqen, sigurinë dhe stabilitetin e kontinentit tonë. Ne duhet që të vijojmë të punojmë me shtetet kandidate përmes një procesi të bazuar në meritë dhe t’i trajtojmë të gjithë në mënyrë të barabartë”, tha ai.
Ndryshe nga homologët që takoi, presidenti Costa, kryeministri sllovak Robert Fico, qeveria e të cilit e ka sfiduar vazhdimisht Brukselin për mbështetjen ndaj Ukrainës, tha se Sllovakia mbështet zgjerimin e BE-së vetëm për kandidatët që plotësojnë të gjitha kushtet e anëtarësimit, pa rrugë të shkurtra.
Zgjerimi do të jetë temë qendrore e samitit të liderëve evropianë që mbahet në Bruksel në mesin e muajit tetor.
