Administrata Trump po shqyrton mundësinë e zgjerimit të urdhrit për të ndaluar udhëtimin me lap-top në avion edhe me linjat evropiane. Lajmi ëhstë transmetuar nga rrjeti amerikan CBS i cili i referohet burimeve nga departamenti i Sigurisë Kombëtare. Kjo masë që mund të merret javët e ardhshme është ende në studim dhe pritet një vendim përfundimtar.
Ndalimi i lap-topëve, tabletave apo pajisjeve të tjera që mendohet se cënojnë sigurinë zbatohet aktuakisht në të paktën 10 aeroporte kryesisht në Lindjen e Mesme dhe Afrikën e Veriut. Kjo masë u ndoq edhe nga Britania e Madhe. Mos-lejmi i lap-topëve përfshin edhe vende aleate të SHBA si Jordania dhe Arabia Sudite, Katari, Emiratet e Bashkuara Arabe, Turqia, Egjipti, Maroku dhe Kuvajti.
Këto masa vijnë paralelisht me shtimin e sulmeve ndaj grupeve terroriste në Lindjen e Mesme. Pak kohë më parë SHBA lëshoi bombën më të fuqishme përdorur ndonjëherë në tunelet e ISIS në kufi me Pakistanin. Ndëkorhë, po shqyrtohet mundësia e shtimit të trupave në Afganistan në luftën ndaj talebanëve. Aktualkisht SHBA ka rreth 8400 ushtarë, nga 100 mijë që kishte në vitet 2010-2011 para se Obama të niste tërheqjen. Sipas një burimi anonim brenda Shtëpinë e Bardhë, dërgimi i trupave është e mbrojtur nga këshilltarët e lartë ushtarakë të presidentit. 16 vite nga ndërhyrja ameriakne, Afganistani ndodhet ende në kaos ku talebanët po fuqizohen sërish./JavaNews/a.m.
