Ka vijuar sot dita e dytë e ministerialit kundër terrorizmit që po mbahet në Tiranë, ndërkohë që i pranishëm ka qenë edhe kryeministri i Shqipërisë, Edi Rama.
Në fjalën e tij Rama theksoi se paqja në Ballkan është një fryt i partneritetit SHBA-BE, ndërsa tha se Bashkimi Evropian është partneri kryesor i integrimit të vendeve.
“Ky samit besoj se ka një rëndësi të posaçme si shprehje e një vetëdije se bëhet fjalë për një sfidë që nuk është lokale apo kombëtare, por rajonale. Forcimi i ndërveprimit mes nesh në funksion të sigurisë ka një rëndësi themelore për ardhmërinë e aspiratave dhe të qëllimit tonë të përbashkët” – tha Rama në takimin e ministrave të Brendshëm të rajonit.
Ai theksoi se luftën ndaj terrorizmit, vendet nuk e përballojnë dot të vetme.
Ndërkohë, indirekt Rama deklaroi edhe votën e Shqipërisë sa i përket integrimit të Maqedonisë në NATO.
Lidhur me ngjarjen e Kumanovës, Rama tha se fjala shqiptar dhe terrorist u bënë bashkë, gje që është e papranueshme.
“Ne duam një Maqedoni jo vetëm të qëndrueshme, por të jetueshme. Pa zbatimine marrëveshjes se Ohrit, Maqedonia nuk mund të jetë kurrsesi pjesë e NATO-s” – tha kryeministri.
