Efektivet e policisë së Riminit bashke me ata të Guardia di Finanza-s kanë ekzekutuar këtë mëngjes, një urdhër të lëshuar nga gjykata, për sekuestron e të mirave ndaj një subjekti që aktualisht është nën hetim për trafik droge dhe nënës së tij.
Ky operacion vjen pas një hetimi të policisë që qershorin e kaluar çoi në arrestimin e një 32-vjeçari shqiptar, i cili akuzohet se ka organizuar një trafik intensiv droge në Rimini.
Më pas, efektivët e sektorit të antikrimit ekonomik në policinë gjyqësore të Riminit kanë vijuar me hetimin pasuror për të dyshuarin, identiteti i të cilit nuk bëhet i ditur nga mediat italiane, që raportojnë për lajmin. Hetimi pasuror zbuloi se 32-vjeçari ishte pronar, i pasurive të luajtshme me një vlerë disproporcionale në lidhje me të ardhurat e deklaruara për qëllime tatimore, si dhe se kishte vendosur në emër të së ëmës një makinë, me qëllim shmangien e dispozitave për masat e mbrojtjes së pasurisë shkruan Panorama.
Kështu u konstatua se sekuestrimi i parashikuar nga legjislacioni “anti-mafia” ishte i zbatueshëm për ta.
Gjyqtari për Hetimet Paraprake i Gjykatës së Riminit, duke pranuar kërkesën e formuluar nga Prokuroria, urdhëroi sekuestrimin r një automjeti, parave “cash” dhe balancave në llogaritë rrjedhëse të subjektit. Në total, u sekuestruan pasuri me vlerë mbi 60.000 euro.
