Kryeminsitri Edi Rama drejtoi sot mbledhjen e Tas-Forcës antikanabis. Në mbledhjen e fundit, u diskutuan rezultatet e arritura për periudhën Janar-Gusht 2017, ku u nënviozua nga krerët e Policisë rënia e kultivimit në nivele mjaft të ulta historike. Kryeminsitri rama ka vlerësuar arritjet e deritanishme, por ka theksuar se nevojitet goditja e rrjeteve të trafikut dhe sekuestrimi i aseteve kriminale.
“Rezultatet janë pasqyrë inkurajuese, por kjo qasje e re e cila është rezultat i planit tonë kombëtar kërkon një shtrirje horizontale dhe vertikale shumë më agresive për të luftuat kundër rrjeteve të kultivimit dhe trafikimit dhe për të arritur jo thjesht në ca shifra që mund të jenë domethënëse për numrin e grupevekriminale të arrestuara, por tek asetet kriminale. Nuk diskutohet se edhe largimi nga sytë e publikut i skenave të shfaqjes së policisë me kamera në dorë me luftra në mes të vapës, është një arritje më vete. Fakti që policët nuk merren më me prerje bimësh, por me imponimin e ligjit në gjithë territorin është arritje domethënëse dhe është fryt i bashkëpunimit mes të gjitha agjencive”, tha Rama.
Goditja e atyre që cilësohen si “të fortët” ishte edhe theksi i Ramës. Ai theksoi se ata duhet t’i tremben forcës goditëse dhe duhet të kjenë objektiv i policisë. Sipas Ramës grupet kriminale që sfidojnë shtetin meritojnë përgjigjen e ashpër të policisë.
“Nuk duhet të gjejnë vrimë të futen në këtë vend, dhe jo të shfaqen si faktorë në shoqëri, Askush nuk mund t’i bëjë karshillëk këtij populliu, vajzave e djemve të rinj, në shkolla, në lagje me shfaqje spektakolare përmes shkeljeve të gjithë normave të bashkëjetesës, me mjete që kushtojnë, dhe me forma që çojnë deri në marrjen e jetës së njerëzve të pafajshëm”, tha Rama.
Po ashtu ai theksoi se “objektivi për çrrënjosjen e kanabisit dhe nxjerrjen nga harta e kultivimit ende nuk mund të cilësohet i arritur totalisht”.
/a.m.
