Vijon puna për parandalimin, evidentimin dhe goditjen e rasteve të kultivimit të bimëve narkotike. Sekuestrohen 3.5 kg lëndë narkotike Cannabis Sattiva dhe asgjësohen 48 bimë narkotike.
Arrestohet në flagrancë autori.
Drejtoria Vendore e Policisë Vlorë, në zbatim të planit të masave për kontrollin e territorit në shkallë qarku, me qëllim parandalimin e kultivimit të bimëvë narkotike si edhe parandalimin dhe goditjen e prodhimit apo të shitjes së lëndës narkotike, ka goditur një tjetër rast të kultivimit dhe prodhimit të lëndëve narkotike.
Në vijim të këtyre kontrolleve të vazhdueshme të kryera nga shërbimet e Policisë, ka rezultuar se gjatë kontrollit të ushtruar në fshatin Selenicë, në banesën e shtetasit Agim Hadëraj, policia ka konstatuar të mbjella 48 bimë narkotike të cilat i’u asgjësuan në vend me anë të djegies.
Gjithashtu gjatë kontrollit u konstatua edhe 3.5 kg lëndë narkotike Cannabis Sattiva, e cila u sekuestrua në cilësinë e provës materiale.
Në përfundim të veprimeve të para hetimore u bë arrestimi në flagrancë i shtetasit:
Agim Hadëraj, 52 vjeç, banues në Selenicë, si posedues i bimëve dhe lëndës narkotike të gjetur në banesën e tij.
Materialet i kaluan Prokurorisë për veprime të mëtejshme për veprat penale ”Kultivimi i bimëve narkotike” dhe ”Prodhimi e shitja e narkotikëve”, parashikuar nga neni 284/1 dhe 283/1 i Kodit Penal./a.m.
