Debate ne Komisionin Parlamentar te Medias, gjate shqyrtimit te dy ligjeve te AMA dhe AKEP, quajtur ndryshe si “paketa Antishpifje”, kthyer mbrapsht nga presidenti Meta dhe derguar nga KiE ne Komisionin e Venecias per mendim.
Ne mbledhjen e sotme, ka pasur replika mes ministres se Drejtesise, Etilda Gjonaj dhe kyetares se Komisionit, Fatjona Dhimitri.
Ne kohen qe ministrja jepte detaje lidhur me paketen antishpifje dhe pse dekreti i presidentit duhet te rrezohet, kryetarja e Komisionit i ka terhequr vemendjen, duke i kujtuar se po genjen, pasi sipas tij, KiE e tha qarte se nuk jane marre parasysh sugjerimet e bera.
“I qëndrojmë argumentet tona për pasojat që tregu i parregulluar ka sjellë. I qëndrojmë kërkesës për rrëzim të dekretit të presidentit. Qëllimi i paketës anti-shpifje, vendosja e rregullave për të parandaluar cenimin e dinjitetit të njeriut, të drejtat e fëmijëve përmes një procesi të shpejtë administrativ dhe efikas. Një sërë vende si Gjermania apo Kroacia, kanë miratuar paketa më të ashpra anti-shpifje, duke njohur shpifjen si vepër penale.
Ligji ka të bëjë me rregullimin e tregut të gazetarëve. Në përgatitjen e paketës kemi punuar me OSBE e Këshillin e Europës”, theksoi Gjonaj.
DEBATI
Fatjona Dhimitri: Si mund te genjeni keshtu. KiE tha dje qe nuk jane marre parasysh sugjerimet tona
Etilda Gjonaj: Eshte hera e pare qe me ftojne dhe me nderpresin
Fatjona Dhimitri: Po na rrefeni te verteten ketu
Musa Ulqini: lere te mbaroj njehere
Etilda Gjonaj: Nuk jam ne rrefimtore
Fatjona Dhimitri: Deklaroni te verteten
Etilda Gjonaj: Nuk jam as ne prokurori. Nese doni te dini qendrimin e qeverise une mund te vazhdoj, nese nuk doni, e nderpres
I pranishëm në komision është edhe këshilltari ligjor i Presidentit, Bledar Dervishaj, i cili u shpreh se disa dispozita të kësaj pakete bien në kundërshtim me parimet kushtetuese dhe mbrojtjen e të drejtës së lirisë së shprehjes, duke përbërë rrezik për interesin publik.
