Mjeku Ilir Allkja, ishte i ftuar në News24, ku ka dhënë këshillat e tij në lidhje me uljen e temperaturave, simptomë kjo e shpeshtë në rastin e virozëve dhe jo vetëm.
Mjeku ka theksuar rëndësinë e banjave me ujë të ngrohtë si një mënyrë natyrale dhe aspak e dëmshme, ndërsa renditi edhe specifikat e këtij trajtimi.
Ai kujtoi qytetarët se përdorimi i antibiotikëve dhe medikamenteve duhet të bëhet në rastet kur temperatura është realisht e lartë, dhe se nuk duhet të harrojmë edhe efektet anësore të përdorimit të barnave.
“Ulja e temperaturës ka dy drejtime, ulja mekanike që e këshilloj për një fazë të parë që e këshilloj për fëmijët për të shmangur injeksionet. I sëmuri futet në një vaskë me ujë të ngrohtë. Nëse është temperatura e ujit më e ulët se e trupit të njeriut, trupi kalon në konvulsione. 15 -20 minuta duhet të qendrojë në ujë. Në këtë kohë temperatura e ujit bie e për pasojë merr me vete edhe temperaturën e trupit. Më pas e marrim fëmijën e veshim.
Tjetra është dhënia e barnave që ulin temperaturën. Të gjithë anti inflamatorët e ulin temperaturën. Me këtë abuzohet, sepse një temp 37.5 dhe 38 quhet temp e lartë. Kjo është e gabuar.
Temperatura është një veprim dhe akt mbrojtës karshi shënbetit tonë. Kur në organizëm kemi viruse e baktere, organizmi ngre temperaturën me qëllim që bakteri e virusi të luftohet, të krijohet një ambient i papërshtatshëm. Deri në 38 gradë, ky është mekanizëm mbrojtës dhe duhet të përshtatemi ta suportojmë sepse nuk sjell asgjë të keqe për trupin. Nëse shkon mbi 38.5 duhen marrë masa, qoftë me napa e kompresa me uthull, ujë të ngrohtë, banjat me ujë dhe ë tej edhe ilaçe.
Popullata thotë, morëm barna dhe nuk ma uli temperaturën. Barnat e kanë vetinë që të ulin temperaturën nga 1:40 deri në 2 orë që ta ulin temperaturën, ndaj edhe zgjidhet paracetamoli. Nëse temperatura shkon 39-40 gradë është e dëmshme, sidomos për fëmijët, sjell pasoja në sistemin nervor. E rëndësishme që të jemi alert sidomos në rastin e fëmijës, por duhet durim. Pas 2 ose 3 ditësh me temperaturë, duhet të kontaktohet mjeku.
Trajtimi me çajra shpesh është më efikas se tek ata që përdorin medikamente dhe kimikate. Pra është ajo sfida që trupi duhet ta përballojë vetë. Nëse gjërat shkojnë keq pastaj, mjeku është aty dhe mund të ndryshojë mënyrën e trajtimit.
Antiinflamatorët ndikojnë dhe dëmtojnë stomakun dhe mëlçinë”, u shpreh mjeku.
