Camille Seaman nuk kishte nevojë për raportin e OKB -së që u publikua të hënën për të mësuar se Toka është duke u ngrohur frikshëm.
Fotografja ka vizituar Antarktidën që nga viti 2004, si pjesë e ekspeditës për National Geographic. Vetëm vitet e fundit, ajo ka qenë dëshmitare e një ndryshimi të dukshëm në kontinent.
“Ajo që kam parë nga viti 2016 deri tani, është si një vend krejtësisht tjetër,”-tha ajo. Peizazhi i bardhë nuk është më i bardhë.Vitin e kaluar, Antarktida regjistroi një temperaturë rekord të lartë prej 18.3 gradë Celsius.
Kjo ka çuar në një rritje të shkrirjes së akullit, e cila ngre nivelin global të detit dhe kërcënon qytetet bregdetare në të gjithë botën.
Kolonitë e pinguinëve Chinstrap në disa zona të Antarktikut kanë rënë me më shumë se 75% gjatë gjysmëshekullit të kaluar.
Ata besojnë se ndryshimet klimatike janë kryesisht fajtore, por disa lloje pinguinësh në Antarktidë, si gentoo, janë më të adaptueshëm se të tjerët.
