Anne Hathaway kishte postuar një fotografi ku shkruhej ‘Në një botë me shumë Kardashian, bëhu një Helena Bonham Carter”.
Por Hathaway e kishte fshirë atë postim brenda pak minutash pasi që komentues të shumtë i ishin vërsulur duke i thënë se po nxit urrejtje, shkruan orainfo.
Më pas aktorja kishte postuar edhe një fotografi tjetër ku shkruhej ‘se ka fshirë fotografinë e mëparshme pasi që kishte përmbajtje me pa dashje të mërisë’.
Por Hathaway ka shpjeguar se ka qenë në disponim të mirë pasi që kishte qenë rrugës për premierën e filmit ‘Alice Through The Looking Glass’ ku merrte pjesë Helen Bonham Carter.
“Nuk më kishte shkuar mendja se po bëja një krahasim mes dy personave. Nuk është në stilin tim. Paqe”, ka shkruar Anne.
Edhe pse shumë njerëz i thanë se nuk duhej të fliste me urrejtje dhe të bënte ndasi duke i krahasuar dy persona, në anën tjetër pati të tillë që e kuptuan mënyrën e Anne-s.
“Ajo ka dashur të thotë se duhet të keni guxim të dukeni ndryshe pavarësisht koncepteve të caktuara nga shoqëria për bukurinë”, ka shkruar një komentues.
