Numri i të infektuarve nga koronavirusi në Greqi ka arritur në nëntë. Rasti i fundit është një grek nga Amaliada, i cili është shtruar në spitalin e Patras.
Ai kishte udhëtuar nga Izraeli për në Egjipt dhe më pas në Greqi. Po bëhen kërkime për persona që kanë patur kontakt me të në mënyrë që të bëjnë testin për të parë nëse janë të infektuar.
Ministria e Shëndetësisë deklaroi tre raste të reja të shtunën e kaluar. Mes tyre ishte një grua 38 vjece dhe fëmija i saj.
Nga të infektuarit janë 4 gra, 4 burra dhe një fëmijë.
Greqia ka marrë masa për epideminë e koronavirusit duke mbyllur 28 shkolla. Komiteti Kombëtar për Mbrojtje ndaj Shëndetit Publik ka rekomanduar që të mbyllen shkollat në mënyrë që studentët e tjerë të mbrohen nga ata që kanë ardhur nga zona të prekura.
Pas udhëzimeve nga Ministria e Shëndetësisë, banorët në Greqi u informuan se rreziku i shpërthimit të COVID-19 është i lartë për shkak të:
-rritjes së konsiderueshme të kohëve të fundit në rastet e sëmundjes së transmetueshme lokale në Itali;
-probabilitetit të lartë të transmetimit të shpejtë të sëmundjes duke e futur atë në vendet me pak shpërthime pa transmetim lokal të sëmundjes;
-mundësia e transmetimit të sëmundjes nga rastet e buta të simptomatologjisë që nuk kërkojnë kujdes mjekësor;
-eksportet e shumta të njohura të sëmundjes nga vendet e tjera të Evropës.
g.kosovari
