Pasi dërgoi vendimin e Komisionit Qendror të Zgjedhjeve në Kolegjin Zgjedhor, avokati i ish-deputetit Dashamir Tahiri deklaroi se dënimi në Itali i klientit të tij është falur. Mësohet se Kolegji Zgjedhor është tërhequr për vendim, ndërsa ka marr në administrim provat.
Avokati pohoi ndër të tjerat se duhet të shqyrtohet kërkesa, ndërsa shtoi se dekriminalizimi nuk i jep zgjidhje këtij momenti. Ai shtoi se vendimi për heqjen e mandatit duhej marrë me shumicë të cilësuar. “Dënimi në Itali është falur. Në Kolegj Zgjedhor, ligji e parashikon. Vendimi duhej marrë me shumicë të cilësuar”, pohoi avokati i Tahirit. Ndërkohë, KQZ thekson se Gjykata Administrativ duhet të shqyrtojë ankimimin dhe se vetëm subjektet i drejtohen Kolegjit.
Nga ana tjetër Prokuroria ka pohuar se nuk do të përfshihet në këtë proces. Pak kohë më parë KQZ vendosi që t’i hiqej mandati ish-deputetit të Vlorës, Dashamir Tahiri, pasi akuzohet se fshehu një dënim në Itali në formularin e vetëdeklarimit.
ma.me
