Një palë xhinse Levi’s të viteve 1880 janë shitur në një ankand në një qytet të vogël në New Mexico për më shumë se 87,000 dollarë.
Xhinset, të gjetura në një minierë të braktisur nga një “arkeolog xhinsesh”, u blenë nga 23-vjeçari Kyle Hautner dhe Zip Stevenson, një veteran i tregut të xhinseve të cilësisë së mirë.
“Ne nuk kishim ndonjë plan për t’i blerë xhinset së bashku derisa filloi ankandi”, tha Stevenson.
Xhinset u shitën për 87,400 dollarë, një nga çmimet më të larta të paguara ndonjëherë për një palë xhinse. Hautner pagoi 90%, ndërsa Stevenson kontribuoi me 10% të mbetur.
Stevenson ka drejtuar një dyqan riparimi xhinsesh në Los Anxhelos për gati tre dekada, por ai kurrë nuk kishte gjetur një palë si kjo.
“Këto xhinse janë jashtëzakonisht të rralla, veçanërisht në këtë gjendje dhe madhësi fantastike,” tha ai.
Stevenson dëgjoi për herë të parë për xhinset “rreth pesë vjet më parë kur ato u zbuluan për herë të parë” në Perëndimin Amerikan nga Michael Harris, i cili “ka kërkuar në të paktën 50 miniera të braktisura për pesë vjet dhe nuk ka gjetur një palë të cilësisë së tillë”.
“Ekzistojnë vetëm disa palë të ngjashme, por ato mbahen në muze dhe shumë delikate për t’u veshur. Megjithatë, këto xhinse “janë çuditërisht të qëndrueshme, kështu që ato patjetër mund të vishen”, tha ai,/m.j
