Ylli i filmit të Hollywood-it, Angelina Jolie udhëtoi për në Athinë si Ambasadore e Vullnetit të Mirë UNHCR për Refugjatët, njofton portali Protothema, transmeton Gazeta Express.
Aktorja është takuar edhe me kryeministrin grek Aleksis Cipras, ku ka thënë se takimi është zhvilluar për t’u marrë me përkeqësimin e krizës së refugjatëve në Europë.
Megjithatë, mediat ndërkombëtare kanë shkruar se Jolie do ta vizitojë edhe kampin e refugjatëve në Idomeni.
Një raport i shtypit i lëshuar nga zyra e UNHCR thotë se aktorja pritet të shpreh vlerësimin e saj për solidaritetin e Greqisë, për të treguar për refugjatët dhe azilkërkuesit që mbërritën në brigjet e ishujve grekë, citohet GazetaExpress.
