Punët brenda Partisë Demokratike nuk po ecin mirë, teksa ka qenë anëtarja e Këshillit Kombëtar të PD-së Endira Bushati ajo e cila ka dalë kundër Lulzim Bashës. Me anë të një postimi Bushati ka thënë se përveç Arta Markut, në Vetting ka kaluar pa u vënë re edhe ish-kryeprokurori Adriatik Llalla. Sipas saj mosbesimi i gjerë ndaj PD-së vjen si pasojë e një mungese koherence, parimesh e vizionesh pasi ata reaguan për Vetting-un e Arta Markut, por jo të Adriatik Llallës.
Postimi i plote i Bushatit:
Opozitë???
Po….por për emra të veçantë….
Dëgjova dje dhe sot, eksponentë të PDsë që folën për “Vettingun e Partisë” për Arta Markun….
Nuk besoj se në këtë republikë gjendet ndokush që priste se Arta Marku nuk do ta kalonte vettingun…
E zgjedhur antikushtetueshmërisht, pa probleme pasurie dhe sigurisht me bekimin e Ramës, Marku, vettingun e kishte formalitet….
Kjo është arsyeja që deklaratat e PDsë në këtë drejtim, as nuk përbëjnë lajm, jo më të besohen nga publiku…
Se…publiku p.sh. e ka akoma të freskët lajmin që Adriatik Llalla i shpëtoi vettingut….
Po për këtë PD heshti….(edhe LSI, madje dhe PS…)
“Po në këtë rast a ishte “vetingu i partisë”?” – duhet pyetur andej nga PD dhe LSI….
Rrethi juridik në Tiranë diskuton çdo ditë mbi vettingun: mungesë standardesh, proces i parregullt ligjor, PS në veprim për kapjen e sistemit etj etj…
Dje, një koleg më tregonte këtë rast:
Një subjekti të vettingut i ishin faktuar 85 dalje nga Rinasi në 4 vjet. Një dalje llogaritej 3-4 ditë qëndrim. Për çdo ditë, organet e vettingut konsiderojnë shpenzim të pranueshëm 50 euro.
Llogaritë bëjini vetë….
Ky subjekt e kaloi vettingun…ndërsa një subjekt tjetër për një makinë, jo….
PD nuk e “merr mundimin” të informojë publikun për standardet e dyfishta, trefishta e katërfishta që aplikojnë organet e vettingut….
Jooo….kurrsesi jo!
Procesi nuk ka rëndësi, emra të përveçëm po!
Nga kjo mungesë koherence, parimesh e vizionesh, buron mosbesimi i gjerë ndaj PDsë…
U mësuan shqiptarët me Lul Bashën:
Flet për oligarkun Fusha, por jo për oligarkun Mane…
Flet për media të kapura, por mazallah se përmend Sandër e Vjollcë…
Kalon nga Babalja, tek Toyota, pastaj tek Teatri, harron Babalen, kalon tek shoferi i Xhafajt, derisa të harrohet foto e vëllait të “Toyotës” në zyrën e Bashës, pastaj braktis Toyotën, e dashuron Salvinin…e kështu ditët pasojnë njëra-tjetrën…
Asnjë kauzë e çuar deri në fund…
Deklarata për shtyp, dalje tek oborri, klithma e ulërima në komisione….
Publiku nuk merr vesh gjë….
Ndërkohë, Edi Rama, po shtrin tentakulat në sistemin e drejtësisë dhe çdo qelizë të shoqërisë…
ma.me
