Andi Lila ka tërhequr vëmendjen e disa klubeve në Europë, pas paraqitjes së mirë në Euro 2016. Mesfushori, i cili aktualisht është te PAS Janina, ditët e fundit ka marrë një ofertë konkrete nga holandezët e Utrechtit.
“Panorama Sport” ka mësuar se klubi holandez ka avancuar në bisedimet me futbollistin dhe burimet bëjnë me dije se janë shumë pranë një akordi dhe mungojnë vetëm disa detaje të vogla që të zyrtarizohet. Utrehti ka vënë në dispozicion afro 200 mijë euro për kartonin e lojtarit dhe klubi helen është bindur.
Pak ditë më parë, 30-vjeçari ka marrë edhe një ofertë nga skuadra greke Asteras Tripoli, por klubi aktual i lojtarit nuk ka pranuar. Mirëpo, pas ofertës së bërë nga holandezët, Janina do të përfitojë edhe financiarisht nga transferimi.
P.Sport/d.i.
