Carlo Ancelotti pritet të jetë trajneri i ardhshëm i Bayern Munichut. Trajneri spanjoll, Pep Guardiola ende nuk ka vendosur nëse do të qëndroj apo jo në Bayern Munich, pasi kontrata e tij skadon verën e ardhshme. Tashmë kanë filluar të qarkullojnë emrat për zëvendësuesin e tij dhe Corriero dello Sport shkruan se, Ancelotti do të jetë ai.
Trajneri italian është i papunë që nga vera e kaluar, kur u shkarkua nga Real Madrid edhe pse për të kishin shprehur interesim shumë skuadra. Ai po ashtu po kërkohet me ngul edhe nga Manchester United dhe Chelsea, por Ancelotti dëshiron të provojë edhe Bundesligan dhe një skuadër të madhe si Bayerni.
